☆☆☆☆☆




點擊這裡下載

類似圖書 點擊查看全場最低價

一個故事的流傳，一訂有他背後的生活背景與文化內涵。李文古故事在大陸原鄉為人津津樂道的是，他將杜牧的「清明詩」改為「清明時節兩紛紛」來諷刺改朝換代時，變節仕清的讀書人，這恐怕是眾多「人物故事」中，李文古故事傳揚不衰的原因，這也可能是客家「硬直」精神的體現。

　　客家委員會補助出版

作者簡介

吳餘鎬

　　台灣桃園人1952年生

　　學歷
　　霄裡國小、省立中壢中學初級部、
　　新竹師專、台灣師範大學國文系畢業、
　　中正大學中國文學研究所碩士

　　經歷
　　國小、國中、高中、大學教師

　　著作
　　《台灣客家李文古話本有聲書》
　　《台灣客家李文古話本》
　　《台灣客家李文古故事研究》
　　《唐詩三百首演繹》
　　《唐詩三百首導讀》
　　《古典詩入門》
　　《中華對聯大典》系列(四本)
　　《童詩‧童詩》

序
古國順教授序
何石松教授序
劉醇鑫教授序
自序
凡例
楔仔──〈天正兩隻屎朏恁高定定〉
第一回　〈李文古食屎〉
第二回　〈麼人跌落陂塘〉
第三回　〈同逐個細妹仔唚嘴〉
第四回　〈東西毋記得拿吔〉
第五回　〈偷㓾鴨〉
第六回　〈阿叔過南洋〉
第七回　〈尿急有藥方〉
第八回　〈響屁毋臭〉
第九回　〈老叔愛盡盅〉
第十回　〈清明時節兩紛紛〉
第十一回　〈嗶叭聲其鯰乎〉
第十二回　〈典出敝鄉〉
第十三回　〈古之人〉
第十四回　〈勸叔姆分阿叔討細姐〉
第十五回　〈三日秀才〉
第十七回　〈家僮仔揹磨石〉
第十八回　〈先生這垤好〉
第十九回　〈毋好空心肚去分人請〉
第二十回　〈食洗鑊水就好〉
第二十一回　〈一笑大餐〉
第二十二回　〈真老烏龜〉
第二十三回　〈巧計贏官司〉
第二十四回　〈整治「清官」〉
第二十五回　〈李文古管無禮〉
第二十六回　尾聲──〈妄想个味緒〉

第一回   〈李文古食屎〉

老古人言講得好：「人會算，天會斷。」人出世平平都係來做人，毋好缺虧人，也毋好得失人 。愛知喲：天有目，神會看。千算萬算，不如天來斷。

「唉喲，也莫恁冤枉那。」
天吂光，先生還目睡摸些䟘起來行到灶下，就噦喤殺天 个喊起來咧：
「這係麼人恁孤盲，仰搣這一團在碗項裝？」

就看佢撚等鼻公，退著兩步在棧櫥 兜 出一碗「屎」來。
原來昨晡下晝愛放學个時節，李文古正收等書包，就聽著藥店仔个賴仔阿清頭，摎舂米所 个阿嶽牯，兩儕 偷偷仔在該參詳 ：
「文古該猴仔，長透整治這兜。天光日，俚來摎佢捉來灌屎愛無？」

「好啊，早就想搣一擺佢悿悿 來。」阿嶽牯講：
「你想愛仰般來做？」

阿嶽牯爪等頭那問阿清頭。
「天光日你去先尋兜 狗屎來，伸个看就好吔。」

阿清頭陰陰仔笑等，佢看著李文古還吂走，就無過講下去。李文古也揹 起書包轉屋去咧。
「叔姆，叔姆。」一轉啊到屋下，李文古就大聲胲个喊等。

「做麼个？文古。你喊魂呣？」
叔姆在灶下躘出來，手項還擎等鑊鏟：
「豬仔餵餵滾 討食吔，人還無閒在該炆豬菜呢。」

叔姆撩起圍身裙，捽忒額頭頂个汗，問李文古。
「叔姆，屋下還有黃豆仔無？」

李文古放忒揹等个書包問厥叔姆。
「怕還有啊，上擺做豆豉 還伸有一息仔在米房 脣，毋會去看呣？」

叔姆應佢，又問佢：
「愛做麼个係？」
「無啦！先生講天光日愛教麼个『家政』，學煮食哇。……」

李文古嘴肚應等，就走落間肚，在米房脣尋著成半粄袋个黃豆仔，用碗舀著一碗來，又走到灶下，尋著一隻細鑊仔，摎風爐起起火，就亂交打橫个炒起黃豆仔來。

「文古，風爐个火毋好恁猛 ，正毋會炒到臭火????。」
叔姆鼻著臭火燒味，摎李文古講。
「好，知啦。」

李文古嘴肚應等，就看佢在風爐裡肚，抽忒幾支樵來，火一下就較餒 吔。
「文古，好咧，毋好炒忒過火 。」
叔姆个豬菜炆好吔，有一息仔閒，佢行過來看。
「恁樣較香。」

李文古笑嘻嘻仔講等，順手擐起細鑊仔，摎炒好个黃豆仔倒到舂臼 肚，就放勢个舂等。一下仔，一碗黃豆仔就畀舂到粉都無恁幼 。      

「叔姆，過分兩條蕃薯好無？」李文古問叔姆。
「愛毋會自家去拿，該大眠床下還一大壁角。」

厥叔姆應等，擐等汁 摎正炆 好个豬菜就去餵豬吔。
李文古聽講，走到大眠床間，在眠床下尋著兩條黃蕃薯，又走到灶下去煠 蕃薯。無一下仔，蕃薯煠熟吔。佢先摎皮剝忒，又摎蕃薯放落舂臼肚亼 到綿綿，蕃薯攞 等黃豆粉一下仔就合到共下，就像打粄仔共樣。

None

大陸客家原鄉李文古話本 電子書 下載 mobi epub pdf txt 2024

類似圖書 點擊查看全場最低價

查看全網最低價