圖書描述
真情99、真情久久。 人生情感的紀錄，情意感動的歌詩。 人生是足濟情牽纏做伙的一齣戲。長年注心本土語文教學佮創作的作者韓滿，將伊對日常生活、人情世事的觀察佮體會，分作親情、翁某情、師生情、朋友情、有情、真情六種情。將這本散文集號作「真情99」，向望逐家久久長長，攏會當用真情相對待，予人生美麗圓滿。 人佮人之間真情對待，會引起感動，無仝款的對象，也有無仝款的情感佮故事，對性命、對歲月當中不斷生湠出來。韓滿用親切的台語，有話就直透講，有情就直透寫，替人說真情，無定若你、無定若我，用溫柔的氣口，佮你交陪。
著者信息
作者簡介
韓滿
嘉義市國小老師兼本土輔導員退休，現任幼穎兒童臺語文學總編輯、臺灣歌仔冊會理事、嘉義市母語文化學會理事、台文戰線會員、台文筆會會員。
陸續編寫本土教材，閣製作繪本故事冊「閩南語尪仔冊」、「巧新婦」……等，2017年出版台語詩「酒蜜100」。寫作、採錄、導覽、答喙鼓、編劇、演戲等逐項來。96年得著教育部閩南語績優人員、97年教育部本土文學創作新詩第二名、散文佳作。99年海翁全國台語囡仔詩比賽第一名、103年績優臺灣文史教育有功人員。嘉義市參賽的教案、寫作、演講、朗讀、答喙鼓、電子繪本……等，毋管家己參賽抑是指導囡仔定定著頭名，退休了四界去講台語課，有台語詩、散文、演講、朗讀、答喙鼓、電子繪本、認證等相關課程佮做評審。
從早到今對台語寫作的熱情猶原無變。 2017是100首的台語詩集【酒蜜100】，紲落去共人生的各種感情匯集起來，編寫一本台語散文集【真情99】。
韓滿
嘉義市國小老師兼本土輔導員退休，現任幼穎兒童臺語文學總編輯、臺灣歌仔冊會理事、嘉義市母語文化學會理事、台文戰線會員、台文筆會會員。
陸續編寫本土教材，閣製作繪本故事冊「閩南語尪仔冊」、「巧新婦」……等，2017年出版台語詩「酒蜜100」。寫作、採錄、導覽、答喙鼓、編劇、演戲等逐項來。96年得著教育部閩南語績優人員、97年教育部本土文學創作新詩第二名、散文佳作。99年海翁全國台語囡仔詩比賽第一名、103年績優臺灣文史教育有功人員。嘉義市參賽的教案、寫作、演講、朗讀、答喙鼓、電子繪本……等，毋管家己參賽抑是指導囡仔定定著頭名，退休了四界去講台語課，有台語詩、散文、演講、朗讀、答喙鼓、電子繪本、認證等相關課程佮做評審。
從早到今對台語寫作的熱情猶原無變。 2017是100首的台語詩集【酒蜜100】，紲落去共人生的各種感情匯集起來，編寫一本台語散文集【真情99】。
圖書目錄
圖書序言
我欲做好囝
大雨落甲phik-phe̍h叫，雷公霆甲khinn-khenn叫，阿蕊仔佇高速公路駛車，雖罔雨遐爾大，雖罔雷公爍爁 予伊誠驚惶，毋過，想著阿雄仔這个後生，伊就啥麼攏毋驚，一直勇敢向前行。
坐佇車內的阿雄仔看雨捽仔捽甲雄戒戒 ，外口嘛是霧嗄嗄。伊想起過去、想著未來，希望這陣大雨會當共過去的種種洗予清氣，希望未來----希望未來莫予阿母操心。阿雄仔有幾若擺一直想欲看車窗仔外口，毋過一直看袂出去，毋知家己的未來佇佗位，敢會像車窗仔外口遐爾霧？
想著昨下昏暗假釋轉來到厝，阿母看著伊轉--來歡喜甲目屎含目墘，閣一直講轉來就好、轉來就好！叫伊迒 過烘爐火了後，隨捀一碗豬跤麵線予伊食，紲落????伊去公媽廳，先點三欉香共祖先稟報阿雄仔這个孫仔轉來矣，閣叫阿雄仔跪落來共祖先懺悔……，種種的動作，毋知已經做過幾擺囉！「希望這是上落尾的一擺」，阿雄仔佇心內共家己按呢講。
車駛落苗栗的交流道了後，一下仔就開始peh山，後--來寬寬仔盤山，愈peh愈懸，這陣，雨沓沓仔較細，來到山頂尾溜的時，雨拄拄好停矣！母仔囝兩人坐車坐幾若點鐘，毋但真忝頭，心肝內嘛亂操操。毋過落車的時，欶一喙新鮮的空氣，跤仔手伸勻一下，煞看著目睭前是一大片開闊、清幽的山坪，閣有青翠、優美的景緻，兩人攏誠歡喜，原來遮就是『晨曦會』。阿雄仔敢若看著拄浮--出來的日頭，嘛看著希望、看著未來。
輔導老師笑頭笑面請in入去會客室坐，閣倒茶請in啉。「老師拜託咧，阿雄仔後擺就望老師共伊牽教囉！」「這請你放心免煩惱！」李老師講解『晨曦會』的同學一工的活動，隨後就????in佇會內四界行行看看咧閣做導覽。
行來到橋頂的時，橋跤有鴨咪仔佇水裡自由自在泅過來泅過去，阿雄仔跤步就按呢停落來，誠細聲講一句「希望我後擺會當像鴨咪仔遐爾仔逍遙快樂」，行做前的老師佮阿蕊仔越頭過來，阿蕊仔講：「阿雄仔行較緊咧喔！」阿雄仔出力共鞋仔底的細粒石頭仔倒倒、敲敲出來，伊嘛希望共心中的心魔擲掉、清掉，按呢頭前的路就會較順、較好行。
大雨落甲phik-phe̍h叫，雷公霆甲khinn-khenn叫，阿蕊仔佇高速公路駛車，雖罔雨遐爾大，雖罔雷公爍爁 予伊誠驚惶，毋過，想著阿雄仔這个後生，伊就啥麼攏毋驚，一直勇敢向前行。
坐佇車內的阿雄仔看雨捽仔捽甲雄戒戒 ，外口嘛是霧嗄嗄。伊想起過去、想著未來，希望這陣大雨會當共過去的種種洗予清氣，希望未來----希望未來莫予阿母操心。阿雄仔有幾若擺一直想欲看車窗仔外口，毋過一直看袂出去，毋知家己的未來佇佗位，敢會像車窗仔外口遐爾霧？
想著昨下昏暗假釋轉來到厝，阿母看著伊轉--來歡喜甲目屎含目墘，閣一直講轉來就好、轉來就好！叫伊迒 過烘爐火了後，隨捀一碗豬跤麵線予伊食，紲落????伊去公媽廳，先點三欉香共祖先稟報阿雄仔這个孫仔轉來矣，閣叫阿雄仔跪落來共祖先懺悔……，種種的動作，毋知已經做過幾擺囉！「希望這是上落尾的一擺」，阿雄仔佇心內共家己按呢講。
車駛落苗栗的交流道了後，一下仔就開始peh山，後--來寬寬仔盤山，愈peh愈懸，這陣，雨沓沓仔較細，來到山頂尾溜的時，雨拄拄好停矣！母仔囝兩人坐車坐幾若點鐘，毋但真忝頭，心肝內嘛亂操操。毋過落車的時，欶一喙新鮮的空氣，跤仔手伸勻一下，煞看著目睭前是一大片開闊、清幽的山坪，閣有青翠、優美的景緻，兩人攏誠歡喜，原來遮就是『晨曦會』。阿雄仔敢若看著拄浮--出來的日頭，嘛看著希望、看著未來。
輔導老師笑頭笑面請in入去會客室坐，閣倒茶請in啉。「老師拜託咧，阿雄仔後擺就望老師共伊牽教囉！」「這請你放心免煩惱！」李老師講解『晨曦會』的同學一工的活動，隨後就????in佇會內四界行行看看咧閣做導覽。
行來到橋頂的時，橋跤有鴨咪仔佇水裡自由自在泅過來泅過去，阿雄仔跤步就按呢停落來，誠細聲講一句「希望我後擺會當像鴨咪仔遐爾仔逍遙快樂」，行做前的老師佮阿蕊仔越頭過來，阿蕊仔講：「阿雄仔行較緊咧喔！」阿雄仔出力共鞋仔底的細粒石頭仔倒倒、敲敲出來，伊嘛希望共心中的心魔擲掉、清掉，按呢頭前的路就會較順、較好行。
圖書試讀
None
用户评价
相关图书
本站所有內容均為互聯網搜尋引擎提供的公開搜索信息，本站不存儲任何數據與內容，任何內容與數據均與本站無關，如有需要請聯繫相關搜索引擎包括但不限於百度，google,bing,sogou 等
© 2025 twbook.tinynews.org All Rights Reserved. 灣灣書站 版權所有